abdallhe_the.tenth.tiger
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

abdallhe_the.tenth.tiger

منتدى للشباب والبنات طلبه الجامعات
 
الرئيسيةأحدث الصورالتسجيلدخول

 

 الجزء الثاااني من حوار الحفيدة وجدتها سنة 2060 اهداء للادمين مدير الموقع

اذهب الى الأسفل 
كاتب الموضوعرسالة
فارس الظلام

فارس الظلام


المساهمات : 231
تاريخ التسجيل : 22/02/2008

الجزء الثاااني من حوار الحفيدة وجدتها سنة 2060     اهداء للادمين مدير الموقع Empty
مُساهمةموضوع: الجزء الثاااني من حوار الحفيدة وجدتها سنة 2060 اهداء للادمين مدير الموقع   الجزء الثاااني من حوار الحفيدة وجدتها سنة 2060     اهداء للادمين مدير الموقع Emptyالإثنين أبريل 28, 2008 1:24 pm

الحفيدة : وبعدين ياتيته
الجدة : وبعدين كنا نسمع على حاجة اسمها اسطوانات ليزر، ودي صحيح انقرضت، بس كان ليها طعم عن دلوقتي، يا سلام لما كنا نحطها في الووكمان ونعلقها في حزام البنطلون كده ونمشي في الشارع كده، كانت أيام جميلة. حسبي الله ونعم الوكيل!

الحفيدة : حكاويكى ممتعة قوي يا تيته .. ثانية واحدة بس لما أصحي سمسم صاحبي فى المدرسة لأنه بايت معايا في الأودة من امبارح ..أصل الإنسان الآلي بتاع الصحيان بايظ ولازم نصلحه النهاردة
الجدة: طيب ياحبيبتي روحي
(بعد عدة دقائق)
الحفيدة: هيه يا تيته.. وبعدين

الجدة : أحلى أيام بقى كانت أيام الدراسة، الفصل كان على أيامنا رايق وعدد التلاميذ فيه ما يزيدش عن ستين سبعين تلميذة، وكنا ساعتها بنعرف نفهم الدرس كويس مش زي دلوقتي، وكانت الشوارع أيامها فاضية يعني كانت إشارة المرور تقعد ساعة إلا ربع بس لأن مصر كلها كان تعدادها 70 مليون مش أكثر، تخيلي بقى الروقان اللي كنا فيه؟ حسبي الله ونعم الوكيل!

الحفيدة : 70 مليون بس؟!!
الجدة : أمال إيه .. عشان كده كانت كل حاجة رخيصة ، يعني مثلاً كيلو اللحمة يوم ما يضربه الدم كان يبقى بخمسة وعشرين جنيه أو بتلاتين جنيه، وكان أتخن جوز جزمة بـ 250 جنيه، وكان الواحد يقدر يشتري شقة تمليك بـ 150 ألف جنيه بس..وكان الدولار بخمسة جنيه بس تخيلي بقى؟

الحفيدة : ما هو علشان كده الجواز على أيامكم كان سهل خالص، إحنا بقى خلصنا من العُقد دي

الجدة : أُمال إيه .. ده احنا الواحدة مننا كانت بمجرد ما توصل سن 17 سنة تبتدي تفكر في الجواز العرفى على طول، وما كانش عندنا الأفكار الغريبة اللي بتعملوها دلوقتي، أنا شخصياً شايفة إن ده أوفر شوية، ده احنا يا بنتي على أيامنا كان لا يمكن البنت تتأخر بره البيت عن الساعة أربعة صباحاً، طب ده باباها كان ممكن ساعتها يخاصمها !

الحفيدة : ياي! ده انتوا كنتوا متزمتين خالص ياتيته !!!



الجدة : يا بنتي إحنا اتربينا على الأخلاق والفضيلة والعادات والتقاليد . يعنى كان أهل الفن محتشمين جداً وكانوا دايماً يطلعوا بالمايوهات البيكيني، والمذيعات كانوا يقعدوا جنب الضيف مش على ركبته زي دلوقتي.. هيـ يـ يـ يـ ـه الله يرحم دي أيام.. فكرتيني بالذي مضى حبي الله ونعم الوكيل! (تمسك الجدة بتليفون محمول في حجم علبة الكبريت)

الحفيدة : ح تكلمي مين يا تيته

الجدة : الحقيقة أنا كنت موصية الجزار على اتنين كيلو لحمة و اديته 600 دولار عربون وعايزة أطلبه أشوف إذا كانت اللحمة وصلت ولا لأ ..

الحفيدة: (تنهض من مكانها) تشاو سي يو تيته!
الجدة: سي يو

وبعد مرور عدة ساعات انتابت الجدة خلالها غيبوبة بسبب الشيخوخة
و في المساء دار هذا الحوار بين الجدة والحفيدة:

الجدة: إنتي كنتي فين يا فتفت؟

الحفيدة :أصل إحنا أخدنا الولد من الحضانة ..

الجدة : ولد !! ولد إيه اللي أخدتوه من الحضانة؟
الحفيدة : آه صحيح أنا نسيت أقول لك .. أصل أنا جبت
ولد من سمسم صاحبي

الجدة: يا بنتي مستعجلين على إيه مش لما تتجوزوا ؟ حسبي الله ونعم الوكيل!

الحفيدة : يا سلام عليكي يا تيته.. إنتي عليك تحكيمات غريبة..طيب إيه اللي يمنع نخلف من غير جواز أنا شخصياً عملتها ونفعت

الجدة : مشكلتي إني ما باعرفش أزعل منك يا فتفت يا عكروتة ..وسميتوا المحروس إيه بقى

الحفيدة : سميناه (دوت كوم) ..

الجدة : نعم . دوت كوم؟ نظام هاي تك بقى؟ يعني لما تعوزي تنادي له تدوسي (إنتر) ولا إيه بالضبط ؟
الحفيدة : ها ها ها ها .. إيه الخفة دي يا تيته .. والله فكرة .. لما أعوز أنده له أدوس إنتر .. ولما أحب أقول له روح أودتك أدوس (ألت و إف4)

الجدة: وأخدتوه من الحضانة وديتوه فين بقى؟

الحفيدة : وديناه النادي الصهيوني بتاع الحي

الجدة : النادي الصهيوني بتاع الحي؟

الحفيدة : أيوه .. ده نادي جميل معمول برعاية كبار رجال الأعمال .. وتحت رعاية وزارة الزراعة وده بيعلم الأطفال حاجات ظريفة خالص ومصاريفه رخيصة جداً وبعدين الولد الكويس ممكن يبعتوه يكمل تعليمه في إسرائيل على نفقة وزارة الزراعة أصل (ميدو يوسف والي) وزير الزراعة ده راجل متفتح قوي. هه، أفتح لك التليفزيون يا تيته عشان تشوفي نشرة الأخبار
الحفيدة تضغط الريموت كنترول لنرى شاشة كبيرة بطول وعرض حائط الغرفة، وتظهر صوت مذيعة مصحوبا بلقطات للأنباء تقول:

المذيعة : هاي شلة! إليكم عناوين الأخبار

- أمريكا ترصد 25 مليار دولار لرأس تامر بن محمد بن أسامة بن لادن المتهم الأول في تفجير قصر السفير الأمريكي في أفغانستان
- واشنطن تتهم ليبيا بتفجير سفينة فضاء فوق كوكب المريخ
- وزير الاقتصاد د. فريد يوسف بطرس غالي يصرح: إعدام الفقراء هو الحل لخروجنا من عنق الزجاجة
- موافقة مجلس الشعب أخيرا على خصخصة معبد الكرنك
أخبار عربية:
- زهوة ياسر عرفات تطالب بانسحاب إسرائيل حتى حدود عام 2030، وإعلان الدولة الفلسطينية في مايو المقبل
- سيريلانكا والفلبين تطرد خمسة آلاف خادمة كويتية
- إسرائيل ترفض الإنسحاب من البصرة إلا بعد ضمان أمن مستوطناتها في بغداد
- اشتباكات على الحدود الإسرائيلية المغربية
أخبار الفن
- زفاف المطربة صباح على حفيد الفنان الراحل راغب علامة
- رئيس قطاع الإنتاج لم يستقر بعد على بطلة فوازير رمضان ويعقد إجتماع مع السيدة توتي محمد صفوت الشريف وزيرة الإعلام الجديدة لمناقشة هذه القضية
- الفنان محمد هنيدي يهاجم نجوم الكوميديا الجدد
المذيعة: فينيش باي
الجدة: لأ بقى حسبي الله ونعم الوكيل فيكم فعلا! (يغمى عليها)
الحفيدة : تيته..تيتة


يارب الموضوع يعجبكوا
مستني الردود......
الرجوع الى أعلى الصفحة اذهب الى الأسفل
 
الجزء الثاااني من حوار الحفيدة وجدتها سنة 2060 اهداء للادمين مدير الموقع
الرجوع الى أعلى الصفحة 
صفحة 1 من اصل 1
 مواضيع مماثلة
-
» حوار حفيدة مع جدتها سنة (2060)
» اهداء للسيد عبدالله مير الموقع ولعها يابو عبده
» الحقنى يا دكتور اهداء لمحمد عطيه ومدير الموقع
» سلام للاهلى (ريمكس كركر) لاجمل مدير موقع ونوابه
» كوماندوز الجزء الثاني للتحميل مجانا

صلاحيات هذا المنتدى:لاتستطيع الرد على المواضيع في هذا المنتدى
abdallhe_the.tenth.tiger :: منتدى للبنات فقط :: منتدى الاغانى العربيه :: منتدى الريمكسات العربيه-
انتقل الى: